Гаитининг Жереми шаҳрида зилзила оқибатида уч киши ҳалок бўлди. Бир неча кун аввал сув тошқини оқибатида 42 киши ҳалок бўлди, деб хабар беради BBC News.
АҚШ Геологик хизмати маълумотларига кўра, куни кеча Гаитида 4,9 магнитудали зилзила содир бўлган. Бу кучли ёмғирдан кейин қайд этилган. Натижада 13 мингдан ортиқ одам ўз уйини тарк этишга мажбур бўлди.
Бош вазир Ариэль Анрининг айтишича, унинг ҳукумати ва халқаро ҳамкорлари тошқин билан курашиш учун «шошилинч чоралар» кўрмоқда.
Бирлашган Миллатлар Ташкилотининг Жаҳон озиқ-овқат дастури сув тошқини туфайли уй-жойини ташлаб кетганларни иссиқ овқат билан таъминлашни бошлашини маълум қилди.
Гаити расмийларининг айтишича, ҳалок бўлган уч кишининг уйи қулаганда вайроналар остида қолган. Шунингдек, ўндан ортиқ одам жароҳатланган.
Жереми - Гранд Анс департаментининг жануби-ғарбий қисмида жойлашган қирғоқ шаҳарчаси. Бу ҳудуд икки йил аввал зилзиладан жиддий зарар кўрган ва 2200 киши ҳалок бўлган
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
ЕЧЛ. Ярим финал. "Бавария" "Реал" билан жанговар дуранг қайд этди
