Францияда давом этаётган тартибсизликларнинг бешинчи кунида 486 киши ҳибсга олинди. Франция ички ишлар вазири Жералд Дарманиннинг фикрича, “хавфсизлик кучларининг қатъий ҳаракатлари туфайли” тун тинчроқ ўтди.
Ҳибсга олинганлар ҳақидаги маълумотлар маҳаллий вақт билан соат 3:00 да берилган. Соат 1:30 ҳолатига кўра, 300 дан ортиқ одам ҳибсга олинган. Ички ишлар вазирлиги тартибсизликлар муносабати билан 45 мингга яқин полициячини жалб қилган.
Францияда норозилик намойишлари 27 июнь куни бошланган. Бунга Нантер шаҳрида яшовчи 17 ёшли Наҳелнинг шахсини текшириш вақтида полиция томонидан ўлдирилгани сабаб бўлган. Кеча тунда 1,3 минг киши ҳибсга олинган. 1300 дан ортиқ автомобил ёндирилган, яна 234 та бино ёндирилган ёки вандал қилинган. Тўполонларда кўплаб ёшлар қатнашмоқда. Ички ишлар вазирлиги ҳибсга олинганларнинг ўртача ёшини 17 ёш деб ҳисоблаган, бироқ улар орасида 13 ёшлилар ҳам бор.
