Франция ядро ташишга мўлжалланган М51.3 стратегик баллистик ракетасини илк синовдан ўтказди. 6 октябрь куни ўтказилган синовни мамлакат президенти Эммануэл Макрон ҳам шахсан кузатган. Бу ҳақда Франция Мудофаа вазирлиги ҳамда Le Parisien хабар берди.
Ракета атом сувости кемасидан учирилган, синов пайтида у ядровий каллак билан жиҳозланмаган. Унинг парвози Франция Қурол-яроғ бош бошқармаси (DFА) синов маркази томонидан кузатиб борилган.
Ракета Атлантика океанининг шимолий қисмига, қирғоқдан бир неча юз километр узоқликка тушган. Мудофаа вазирлиги ушбу синов Франциянинг халқаро мажбуриятларига риоя қилинган ҳолда ўтказилганини таъкидлади.
М51.3 — сувости кемаларидан учириладиган М51 стратегик баллистик ракетасининг учинчи версияси. М51 ракеталари Франциянинг атом сувости кемаларига ўрнатилади. Улар 9–10 минг километргача масофага уча олади. Ракета оғирлиги 52 тоннадан бошланади.
М51.3 ракетасини Европа аэрокосмик ва мудофаа консерни — EАDS ишлаб чиққан. Компания расман Амстердамда рўйхатдан ўтган, бош қароргоҳи эса Парижда жойлашган.
2026 йил баҳорида Эммануэл Макрон Франциянинг ядровий салоҳиятидан Европа хавфсизлигини таъминлашда кенгроқ фойдаланиш режасини илгари сурди. У “кенгайтирилган ядровий тийиб туриш” консепсиясини таклиф қилди.
“Бу хавфли ва беқарор дунёда эркин бўлиш учун бошқаларда қўрқув уйғота олиш керак”, деганди Макрон.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
