Франция Нетаньяхунинг адвокатини ўлдириш ҳақидаги буюртмани текширмоқда

Франция ҳукумати Исроил бош вазири Бентьмин Нетаньяхунинг адвокати Оливье Пардога суиқасд уюштириш бўйича эҳтимолий буйруқ юзасидан тергов бошлади.

Бу ҳақда Париж прокуратурасига таяниб, Agence France-Presse хабар бермоқда.

Унинг сўзларига кўра, Пардо бу ҳақда собиқ маҳбуслардан бири ва полициянинг собиқ маълумотчиси Руди Терранованинг 16 июль куни унга Сенегалга сафари чоғида "Ҳизбуллоҳ" ҳаракати аъзолари Пардога суиқасд уюштиришга буйруқ бериш мақсадида мурожаат қилганини айтганидан кейин гапирган. Шунингдек, у адвокат Нетаньяху билан ишлагани учун нишон сифатида танланганини қайд этди.

"Ишончим комилки, суд тизими бу ҳақиқий таҳдид ёки хаёлий таҳдид эканлигини аниқлайди" - деди Пардо AFP билан суҳбатда.

Қайд этилишича, Руди Терранова 21 июль куни ушбу иш бўйича тергов доирасида полиция томонидан қўлга олинган.