Франция Мадагаскар президентини эвакуация қилдими?

Франция президенти ОАВнинг Мадагаскар президентининг Франция Аэрокосмик кучлари самолёти томонидан эвакуация қилингани ҳақидаги хабарларини рад этди ва Африка давлатида конституциявий тузумни сақлашга чақирди.

Франция раҳбари бу ҳақда Ғазо секторини тартибга солиш бўйича саммитда иштирок этаётган Мисрнинг Шарм-аш-Шайх шаҳридан жўнаб кетишидан олдин журналистнинг сўровига жавобан айтган.

"Йўқ, мен бугун ҳеч нарсани тасдиқламайман", деди Макрон. “Мен чуқур ташвишимизни билдирмоқчиман ва Франциянинг Мадагаскар халқи билан дўстлиги ҳақида гапирмоқчиман”, — дея қўшимча қилди у.

Давлат раҳбари “конституциявий тузум ва институционал узвийлик”ни сақлаш муҳимлигини таъкидлади, бунга мамлакат барқарорлиги ва “халқаро ҳамжамиятнинг ёрдам кўрсатиш қобилияти” боғлиқ. Агар булар муваффақияцизликка учраса, "ҳамма нима бўлишини билади", деб таъкидлади Макрон орол давлати аллақачон шунга ўхшаш эпизодни бошдан кечирганини эслатиб ўтди. Шунингдек, у бундай ҳолатдан биринчи бўлиб оддий фуқаролар жабр кўриши ҳақида огоҳлантириб, норозилик билдираётган ёшларнинг ҳарбийлар ва хорижлик актёрлар манфаати учун эксплуатациясига йўл қўймасликка чақирди.

RFI нашри ўз манбаларига таяниб, Мадагаскар президенти Андри Радзуэлина Франция президенти билан келишилган ҳолда Франция ҳарбий самолётида мамлакатдан эвакуация қилингани ҳақида хабар берди.