Санкт-Петербургда мактаб ўқувчиларининг номусига теккан педофил мураббий қўлга олинди.
Мураббий бир кун олдин, 19 августда Санкт-Петербургда қизлардан бирининг қариндошлари ҳуқуқ-тартибот идораларига мурожаат қилганидан кейин ушланган.
РИA Новости ўз манбасига таяниб хабар беришича, эркак болалар спорт лагерида эркин курашдан дарс берган.
Дастлабки маълумотларга кўра, мураббий 13 ёшли иккита қизга жинсий тажовуз қилган.
ТAССнинг аниқлик киритишича, воқеа қизлар ухлаб ётган пайтда содир бўлган. Натижада жабрланганлардан бири бу ҳақда ота-онасига айтган, у эса ўз навбатида ҳуқуқ-тартибот идоралари ходимларидан ёрдам сўраган.
