Флойд Мейвезер мафия бошлиғи набирасига қарши реванш жанги анонсини эълон қилди

Беш вазн тоифасида собиқ жаҳон чемпиони Флейд Мейвезер Жон Готти III га қарши реванш жангида иштирок этади.

Мейвезер ушбу жанг анонсини эълон қилди. Унга кўра жанг 24 августга белгиланган.

Эслатиб ўтамиз, Мейвезер ва Готти III ўртасида жанг 2023 йилнинг июнь ойида бўлиб ўтган эди. Саккиз раундга мўлжалланган жангнинг тўртинчи раундида рақиблар ўзаро тортишиб кетди. Олтинчи раундда Жон қоидаларни доимий равишда бузгани учун дисквалификация қилинган. Шундан сўнг Готти III ҳакамнинг тўхта ишорасига бўйсунмай Флойдга ҳужум қилган.

Мейвезернинг жамоаси ва Готтининг вакиллари ҳам жанжалга аралашган. Шундан сўнг оммавий муштлашув бошланган. Ҳакам эса жангни ўтказилмаган деб топганди.

Маълумот учун, собиқ MMA жангчиси Жон Готти III Нью-Йорк мафиясининг бошлиғи бўлган марҳум Жон Готтининг набираси ҳисобланади.