Флик: «Режамиз иш берди»

"Барселона" бош мураббийи Ханс-Дитер Флик Испания чемпионатининг 11-тури доирасида бўлиб ўтган «Реал»га қарши ўйин (4:0) борасида ўз фикрини билдириб ўтди.

«Биз ўйинни яхши бошладик ва биринчи бўлимни аъло даражада ўтказдик. Ҳимоямиз юқорида ўйнади. Бу таваккалдек кўриниши мумкин, аммо аслида ундай эмас. Бу иш берди. Танаффусда эса биз тўғри қарорлар қабул қилдик.

Футболчилар яхши меҳнат қилишди. Улар рақб дарвозасига олдида ўз маҳоратларини намойиш этишди. Ҳимояда ва ҳужумда нима қилиш кераклигини барча биларди.

Ўйиндан ўйинга яхшиланиб бораётганимиз бизга ёқяпти. Бугун осон бўлмади, аммо биз яхши ҳимояландик. Биз ўз ғоямизга ишонамиз ва шундай руҳда ишлашда давом этишимиз керак.

Танаффусда ўйинчи алмаштирдик ва янада кўпроқ прессинг қила бошладик. Иккинчи бўлимда тўпни кўпроқ назорат қилдик. Айнан шу ҳақида гапиргандим.

Мен ҳамиша жамоа қилаётган ишга аҳамият бераман. Бугун танлаган режамиз иш берди. Ўйиндан ва натижадан қониқиш ҳосил қилдик. Мен ортга назар солмайман», – деди «Барселона» устози.