Словакия бош вазири Роберт Фицо Европа Иттифоқи етакчиларини Хитойда Иккинчи жаҳон уруши тугаганининг йиллиги муносабати билан ўтказилган байрамларга эътибор бермаганликларини қоралади. Сиёсатчининг фикрича, бу уларнинг катта хатоси эди.
"Европа Иттифоқига аъзо давлатлар давлат раҳбарлари ва бош вазирлари Хитойдаги бугунги байрамларга эътибор бермаганини катта хато деб биламан", — деб ёзди у ўзининг Facebookдаги саҳифасида.
Бош вазир Европа Иттифоқи етакчилари бундай “глобал тадбир”да қатнашмасликка қарор қилганидан афсус билдирди. Унинг қайд этишича, бу билан улар Хитойни яккалаб қўйишга уриниш эмас, балки ўзларининг яккаланиб қолганликларини намойиш қилишган.
Фицо шунингдек, суверен давлат раҳбари сифатида унга қаерга бориши ёки боролмаслигини айтишга ҳеч кимнинг ҳаққи йўқлигини таъкидлади.
“Бу ерларнинг асл эгаси бизмиз”
Маск: "Бу кетишда Европа йўқ бўлиб кетади"
Олимпиада чемпиони Асадхўжа Мўйдинхўжаев фуқаро билан муштлашдими?
