Финляндия президенти Александр Стубб Россия президенти Владимир Путин билан яқинда бўлиб ўтган телефон суҳбати ҳақида фикр билдирди. Унинг айтишича, Путин суҳбат давомида мулоҳазали, таҳлилий фикрлайдиган, яхши тайёргарлик кўрган ва босиқ бўлган.
Стубб бу ҳақда Frankfurter Allgemeine Zeitung нашрига берган интервюсида гапирди. У Норвегия бош вазири Йонас Гар Стёре иштирокидаги телефон суҳбатини "яхши ва очиқ мулоқот" деб атади.
"Музокараларда иштирок этишни истасак, четда туриб, сукут сақлай олмаймиз. Аксинча, Россия вакиллари билан бевосита гаплашишимиз керак", — деди Финляндия президенти.
Шу билан бирга, Стубб Абу-Дабидаги музокаралардан катта натижа кутмаётганини айтди. У яқин орада келишувга эришилиши ёки Доналд Трамп, Владимир Путин ва Володимир Зеленскийнинг учрашишига ишонмайди. Унинг фикрича, музокараларнинг яхши натижаси техник даражадаги кейинги учрашувни келишиб олиш бўлиши мумкин.
Аввалроқ Норвегия бош вазири Стёре Путин билан суҳбатдан мақсадлардан бири унинг руҳий ҳолатини баҳолаш бўлганини айтганди. У ҳам суҳбат давомида Россия президентини "рационал" ва "профессионал" деб таърифлаган.
Ўзбекистонда кескин совуқ ва кучли ёғингарчилик кутилмоқда
Эркинжон Турдимов бешта ректорни ишдан бўшатди
Чақалоғини ҳожатхонага ташлаган аёлга 3 йиллик жазо тайинланди
