ФИФА 2026 йилги Жаҳон чемпионати бошланишига икки ой қолганда чипталарнинг янги тоифасини — Front Category 1 ва Front Category 2 ни жорий қилди.
Гап қуйи яруснинг биринчи қаторларидаги ўриндиқлар ҳақида кетмоқда. Аввалроқ бу жойлар стандарт биринчи тоифага кирган эди, бироқ энди улар алоҳида ва анча қимматроқ нархда сотувга чиқарилди.
The Athletic нашрининг хабарига кўра, айрим ўйинлар учун бундай чипталар нархи оддий биринчи тоифага нисбатан икки-уч баравар ошган. Масалан:
АҚШ — Туркия ўйинига янги тоифадаги чипта 1000 доллар ўрнига 2970 доллар этиб белгиланди.
Аргентинанинг Жазоир ва Австрияга қарши ўйинлари учун нарх тахминан 770 доллардан 2300 долларгача кўтарилди.
Кўпчилик мухлисларнинг фикрича, ФИФА энг яхши қаторларни кейинчалик қимматроқ сотиш учун, аввалроқ биринчи тоифа чиптасини сотиб олганларга стадионнинг ноқулайроқ жойларини (бурчаклардан ёки дарвоза ортидан) тақсимлаб берган. Янги тоифанинг пайдо бўлиши бу шубҳаларни янада кучайтирди.
Бундан аввал бундай чипталар ҳақида расман эълон қилинмаган эди. Чипта сотиш порталидаги стадион чизмалари биринчи тоифа эгалари қуйи яруснинг исталган жойидан жой олиши мумкинлиги ҳақида тасаввур уйғотганди. Энди эса энг жозибадор жойлар алоҳида премиум сегментга ажратилгани маълум бўлди.
Ҳозирча ФИФА нима учун бу ўриндиқлар қишда биринчи тоифа чипталарини сотиб олганлар ўртасида тақсимланмагани ва яна қанча бундай чипталар сотувга чиқиши борасида изоҳ бергани йўқ.
Ҳусанов ўзидан тезкор футболчи номини айтди
Италия ЖЧ-2026 иштирокчилари қаторига қўшилиши мумкин
“Барса” машҳур футболчисидан воз кечадиган бўлди
