ФИФА синови муваффақиятли ўтди: Эндиликда миллий чемпионатларда ҳакамлар боди-камера тақиши мумкин

Ҳакамлар миллий мусобақаларда боди-камера тақишни бошлашлари мумкин.

El Partidazo de COPE хабар беришича, Халқаро футбол ассоциациялари кенгаши (IFAB) ҳакамларнинг тана камераларини тақиб юришини ва улардан олинган тасвирларни телевидениеда намойиш этишни маъқуллаган.

ФИФА клублар ўртасидаги жаҳон чемпионатидаги синовлар муваффақиятли ўтганини таъкидламоқда.

Энди турли мамлакатларнинг футбол федерациялари ўз ички турнирларида ушбу тизимни жорий этишни сўрашлари мумкин.