ФИФА раҳбари Жанни Инфантино “Интер Майами” клуби ва Аргентина терма жамоаси ҳужумчиси Лионель Мессининг навбатдаги жаҳон чемпионатида иштирок этиши мумкинлиги ҳақидаги фикр-мулоҳазалари билан ўртоқлашди.
“Мен ЖЧ-2026 ни интиқлик билан кутяпман. Бу 48та жамоа иштирок этадиган улкан тадбир бўлади. Умид қиламанки, Месси нафақат ушбу чемпионатда, балки 2030 ва 2034 йилларда ҳам ўйнай олади", - деди Инфантино.
Эслатиб ўтамиз, сўнгги жаҳон чемпионати Қатарда бўлиб ўтганди. Ўша турнир ғолиби Аргентина терма жамоаси бўлиб, финалда Франция терма жамоасини пенальтилар сериясида мағлуб этди.
