ФИФА президенти Жаҳон чемпионати йўлланмаси билан табриклади

ФИФА президенти Жанни Инфантино Ўзбекистонни ФИФА Жаҳон чемпионати йўлланмаси билан табриклади.

"Ўзбекистон, ФИФА Жаҳон чемпионатига хуш келибсиз! Сизни 2026 йилда Канада, Мексика ва АҚШда бўлиб ўтадиган ФИФА Жаҳон чемпионати тарихий йўлланмасини қўлга киритганингиз билан чин дилдан табриклайман!

Ўзбекистон ФИФАга 1994 йилда аъзо бўлганидан буён Олимпиада ўйинлари, ёшлар ўртасидаги бир нечта ФИФА мусобақаларида иштирок этиб, муносиб натижалар кўрсатиб келмоқда. Энди эса ажойиб саралаш босқичидан сўнг сизлар ҳақли равишда келаси ёзда ўтказиладиган мундиалда иштирок этиш имкониятига эга бўлдингиз. Дунё бўйлаб миллионлаб мухлислар “Оқ бўрилар”нинг жаҳон саҳнасидаги дебютини интиқлик билан кутишмоқда" — дейилади табрикда.