Фаррош аёл ўзини ёқиб юбориш билан раҳбариятга таҳдид қилди

Телеграм-каналлардан бирида «Андижон механика завод» ШКининг фаррош Н.Мухитдинова ишдан бўшатилишига рози эмаслигини ва раҳбарият билан музокара ўтказишни талаб қилган суҳбати овозли ёзуви эълон қилинди. Овозли ёзувда у талаблари бажарилмаса, ўз жонига қасд қилиш билан таҳдид қилмоқда.

Шуни таъкидлаш керакки, ушбу суҳбатни ёзиб олиш узоқ вақт олдин қилинган. Ўша пайтда Н. Мухитдинова бир неча бор, хусусан, Мирзо Улуғбек туман Жиноят ишлари бўйича суди томонидан 2021 йилда 169-модданинг 1-қисми бўйича, Пахтаобод туман Жиноят ишлари бўйича суди томонидан 2023 йилда 168-модданинг 1-қисми бўйича судланган ва охирги жазони тугатмасдан яна қонунни бузиб, тергов остида бўлган.

Ўз навбатида, Н.Мухитдинова меҳнат интизомини бузганлиги ва доимий равишда иш жойида бўлмаганлиги сабабли ишдан бўшатилган. Унинг ишдан бўшатилиши норозиликка сабаб бўлиб у ўзини ёқиб юбориш билан таҳдид қилиб, раҳбариятни музокарага мажбурламоқчи бўлди. Вазият ҳал қилинди ва музокаралар олиб борилди.

Ҳозирги вақтда Н.Мухитдинова Пахтаобод туман жиноят ишлари судининг 2024 йил 19 апрелдаги қарори билан Ўзбекистон Республикасининг ЖК 168-моддаси бўйича 3 йил 8 ойгача озодликдан маҳрум этилган.

Ушбу воқеа ҳақида нотўғри маълумотни нашр этиш мақсадли равишда корхона обрўсига путур этказиши мумкин. Биз ҳаммага ахборот манбаларига эътиборли бўлишни ва «Ўзбекистон темир йўллари» АЖ раҳбариятига асоссиз изоҳлар тарқатмасликни тавсия қиламиз.