Фарғона шаҳрида табиий газдан ноқонуний фойдаланган паррандочилик фермери аниқланди

Ўзенергоинспекция Фарғона вилояти ҳудудий бошқармаси томонидан ўтказилган назорат тадбирида Фарғона шаҳрида маъмурий бинода лойиҳа ҳужжатларисиз тармоққа тўғридан-тўғри уланиб, табиий газдан ноқонуний фойдаланиб келиш ҳолати аниқланди.

Ушбу қоидабузарлик натижасида газ таъминоти корхонасининг дастлабки ҳисоб-китобларига кўра 293 миллион сўмлик зарар етказилганлиги маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.