2023 йилда Фаластинни қўллаб-қувватлаган пости учун Германиянинг "Майнц" клубидан кетган Анвар эл-Ғози собиқ жамоаси устидан судда ғалаба қозонди. Энди "Майнц" унга 2023/2024 йилги мавсум учун тўланмаган маошининг барчасини тўлайди, бу эса тахминан бир ярим миллион евро дегани.
"Дарёдан океангача, Фаластин озод бўлади," - деб ёзганди футболчи 2023 йил октябрида.
Анвар бу маблағнинг бир қисмини Фаластинга ёрдам учун юборишини эълон қилди - тахминан ярим миллион евро.
"Умид қиламанки, "Майнц" раҳбарияти ўзлари яратган вазиятга рози бўлади, шу жумладан, бу пуллар болаларнинг омон қолишига ёрдам беради," - деб ёзди футболчи ижтимоий тармоқда.
Ҳозирда Эл-Ғози Уэльсда "Кардифф Сити" шарафини ҳимоя қилмоқда.
U-17 ЖЧ. Ўзбекистон - Хорватия ўйинининг бошланиш вақти аниқ бўлди
Ўзбекистон - Миср ўйинини қаердан кўрамиз?
"Араблар Ҳабибни пулга кўмиб ташлашди..."
