Фаластин Таълим вазирлиги Бирлашган Миллатлар Ташкилотини Фаластин таълим муассасаларини ҳимоя қилишга даъват этди, чунки Исроил кучлари Ғарбий Қирғоқнинг босиб олинган Женин, Тулкарем ва Тубас вилоятларидаги мактаблар ва таълим муассасаларига ҳужумларини давом эттирмоқда.
Вазирлик жума куни эълон қилган баёнотида ушбу ҳужумлар мактабларга жиддий зарар етказганини, жумладан, бир қанча таълим муассасалари вайрон қилинганини ва бошқалари босиб олинганини таъкидлади.
Баёнотда айтилишича, Исроил кучларининг босқинлари натижасида ушбу ҳудудлардаги 100 га яқин мактабнинг ўқув жараёни бузилган.
Вазирлик таъкидлашича, бу ҳужумлар нафақат халқаро ҳуқуқни бузади, балки болаларнинг хавфсиз муҳитда таълим олиш асосий ҳуқуқига ҳам қарши қаратилган. Таълим инфратузилмасининг вайрон бўлиши ўқиш жараёнига жиддий тўсқинлик қилмоқда, бу эса болаларнинг хавфсиз таълим олишини қийинлаштирмоқда, дея таъкидланди вазирлик баёнотида.
Вазирлик ЮНЕСКО, ЮНИСЕФ ва Халқаро Қизил Хоч Қўмитаси (ХҚХҚ) каби халқаро ташкилотларни болалар ҳуқуқлари ва таълим олиш ҳуқуқини ҳимоя қилишга даъват этди.
Қодировнинг аҳволи жуда оғир: у ворис қидирмоқда
Франция Россия Ғалаба байрамига таклиф қилинмаганидан ғазабланди
“Зудлик билан тарк этинг!” — Украинада хавфли ҳудудлар бўйича шошилинч чақириқ
