Европанинг «жангга ташна» сиёсатчилари АҚШни Россия билан урушга судрамоқдами?

Қўшма Штатлар Россия билан бевосита ҳарбий тўқнашув келиб чиқиши хавфи туфайли Европа Иттифоқи мудофаасини молиялаштиришни тўхтатиши лозим.

Бу ҳақда Американинг нуфузли The American Conservative (AC) нашри таҳлилий материалида маълум қилинди.

Нашрнинг таъкидлашича, Европа мудофааси учун АҚШ томонидан ажратилаётган маблағларнинг мунтазам ошириб борилиши вазиятни янада кескинлаштириши мумкин.

«Мудофаа бюджетининг тинимсиз ўсиб бориши Европа иттифоқидаги «жангга ташна» сиёсатчиларни Украинадаги вазиятни янада кескинлаштиришга ва НАТО ҳамда Россия ўртасида тўғридан тўғри ҳарбий тўқнашув хавфини оширишга ундаши мумкин», — дейилади мақолада.