Европанинг энг яхши мураббийи аниқланди

"ПСЖ" устози Луис Энрике ESPN талқини бўйича Европанинг энг яхши 30 мураббийи рўйхатида биринчи ўринни эгаллади.

Испаниялик мутахассис "Ливерпуль" устози Арне Слот (2) ва "Манчестер Сити" вакили Хосеп Гвардиолани (3) ортда қолдирди.

Кучли бешликдан, шунингдек, аввал Леверкузеннинг "Байер" клубида ишлаган, ҳозирда Мадриднинг "Реал" клубини бошқараётган Хаби Алонсо (4) ва Ханс-Дитер Флик (5) ("Барселона") жой олган.

6-10-ўринларга Микель Артета ("Арсенал"), Антонио Конте ("Наполи"), Симоне Индзаги ("Ал-Ҳилол"), Жан Пьеро Гасперини ("Рома") ва Эрнесто Валверде ("Атлетик" Билбао) жойлашди.

"Челси" устози Энцо Мареска клублар ўртасидаги жаҳон чемпионатидаги ғалабадан сўнг 12-ўринни эгаллади.

Рўйхатни Франкфуртнинг "Айнтрахт" клубидан Дино Томмеллер якунлади.