Европанинг "энг долзарб" муаммоси нима эканлиги эълон қилинди

Оммавий миграция Европанинг "энг долзарб" муаммосидир.

АҚШ витсе-президенти Ж.Д. Ванс Европани ноқонуний миграцияга қарши курашиш учун кўпроқ саъй-ҳаракат қилишга чақирди ва буни қитъанинг "энг долзарб" муаммоси деб атади.

"Йўналишимизни ўзгартириб, умумий цивилизациямизни янги йўлга солишдан олдин, биз бу даҳшатли фалокатларга яна неча марта дуч келишимиз керак?" деди Ванс. У Европа сайловчилари "миллионлаб текширилмаган муҳожирлар учун дарвозаларни очиб қўйишга" овоз бермаганини таъкидлади.

Шунингдек, у Европадаги давлатларга ўз мудофааси учун масъулиятни зиммасига олишни таклиф қилди, токи Вашингтон бошқа жойлардаги таҳдидларга эътибор қарата олсин.

"Бизнингча, умумий иттифоқда бўлишнинг муҳим қисми шундаки, европаликлар олдинга қадам ташлаши, Америка эса дунёнинг катта хавф остидаги ҳудудларига эътибор қаратиши керак," деди Ванс.