Европа давлатлари ва Украина Россия президенти Владимир Путин ва АҚШ етакчиси Дональд Трамп ўртасидаги бўлажак музокаралар учун Россия-Украина можаросини тартибга солиш бўйича ўз таклифларини тайёрлади.
Бу ҳақда ўз номи ошкор этилмаган икки европалик амалдорга таяниб, The Wall Street Journal (WSJ) хабар берди.
Уларга кўра, Буюк Британия, Германия ва Франция ҳукуматлари режани ишлаб чиқишда иштирок этиб, эҳтимолий музокаралар учун “Украина билан умумий қизил чизиқ чизиш” мақсадини қўйган.
Қайд этилишича, Европа режаси Буюк Британиядаги учрашувда АҚШ вице-президенти Жей Ди Вэнс, АҚШ Давлат котиби Марко Рубио ва АҚШ президентининг махсус вакили Кит Келлогга тақдим этилган. Ҳужжатда айтилишича, Киевнинг ҳар қандай ҳудудий концессияси хавфсизлик кафолатлари, жумладан, Украинанинг НАТОга потенциал аъзолиги билан таъминланиши керак.
"Европа таклифи бошқа қадамлар қўйилишидан олдин ўт очишни тўхтатиш талабларини ўз ичига олади”, — дея таъкидлайди нашр. Ҳудудларни алмашиш фақат ўзаро асосда бўлиши мумкин.
Аввалроқ Трамп Путин билан учрашуви 15 август куни Аляскада бўлиб ўтишини айтганди.
Аҳолига субсидия ўрнига фоизсиз қарз берилади
70 ёшдан ошган ҳайдовчиларга рулга ўтириш тақиқланади
Ички ишлар вазирлиги семиз ходимларни ишдан бўшатади
