Польша Мудофаа вазири президентнинг Украина ҳақидаги гаплари сабаб жанжал кўтарди

Польша Мудофаа вазири Владислав Косиняк-Камиш президент Кароль Навроцкийни Украина учун Patriot ракеталари борасида ёлғон гапирганликда айблади.

«Мен президент ўзи қарор қабул қилмайдиган масалалар бўйича масъулиятни ўз зиммасига олишини кутмайман. Аммо жаноб президент атрофидагилардан мардликни кутаман. Агар улар бирор нарсадан хабардор бўлишса, билмаймиз деб айтишмасин», — деди у Wirtualna Polska нашрига берган интервьюсида.

Кароль Навроцкий Украинага Patriot ракеталари етказиб берилганидан хабари бўлмаганини таъкидлаган эди. Ўз навбатида, Польша мудофаа вазири ушбу масалани давлат раҳбари билан шахсан муҳокама қилганини айтмоқда.

Июль ойида Республика Миллий мудофаа вазири ўринбосари Цезари Томчик Польша Киевга Patriot HAM тизимлари учун ракеталарни топширишда мустақил бўлмаганини маълум қилган эди. Унинг сўзларига кўра, ушбу қарорлар, энг аввало, НАТО бош котиби ва АҚШнинг Европадаги кучлари қўмондонлиги томонидан тайёрланган.