7 ноябрь куни Будапештда Европа сиёсий ҳамжамиятининг бешинчи йиғилиши бошланди. Форум кун тартибидан хавфсизлик, ноқонуний миграцияга қарши кураш, иқтисодий барқарорлик ва иқлим ўзгариши масалалари ўрин олган.
Саммитда Туркия 🇹🇷 делегациясига Президент Режеп Таййип Эрдоған бошчилик қилмоқда. Муҳокамаларда 40 дан ортиқ давлат ва ҳукумат раҳбарлари иштирок этмоқда.
Саммит республикачи Доналд Трампнинг АҚШ президентлик сайловларида ғалаба қозониши фонида ўтмоқда, бу эса Вашингтоннинг Украина ва унинг НАТОдаги иттифоқчиларига муносабатини ўзгартириши мумкин.
Йиғилишга раислик қилган ва Трампнинг иттифоқчиси саналган Венгрия Бош вазири Виктор Орбан Европа Иттифоқи учун янги стратегия зарурлигини аллақачон маълум қилган. Орбан аввалроқ Украинада ҳеч қандай шартларсиз тинчлик музокараларини ёқлаб чиққан, бу на Москва, на Киев томонидан қўллаб-қувватланмайди ва Европа Иттифоқи давлатлари ўртасида бўлинишларга сабаб бўлган, аксарияти Украинани қўллаб-қувватлашда туриб олган.
Франция президенти Эммануэл Макрон Будапештдаги нутқида Россиянинг Украинада ғалаба қозонишига тўсқинлик қилиш Европа манфаатларига тўғри келишини таъкидлади. У, шунингдек, Европа Иттифоқи давлатларининг мудофаа мустақиллиги муҳимлигини қайд этиб, Европа мудофаа масалаларини АҚШга топширмаслиги кераклигини айтди.
Британия рекорд миқдордаги аскарини йўқотди
АҚШ Украинанинг Россия ҳужумини тўхтата олмаслигини эълон қилди
Ғарб Россиянинг Украинадаги ғалаба йўлини эълон қилди
