Европа Иттифоқининг ташқи сиёсат бўйича олий вакили Жосеп Боррел Ғазодаги вазият ёмонлашгани сабабли Исроил билан сиёсий мулоқотни тўхтатишни таклиф қилди. Бу ҳақда Reuters хабар бермоқда.
Бўлажак йиғилиш олдидан Европа Иттифоқи ташқи ишлар вазирларига йўллаган мактубида Боррелл Ғазода халқаро инсонпарварлик қонунларининг бузилишидан жиддий хавотир билдирди ва Исроил бу хавотирларни етарлича ҳал қилмаганини айтди.
«Юқоридаги фикрларни ҳисобга олган ҳолда, мен Европа Иттифоқи Исроил билан сиёсий мулоқотни тўхтатиш учун инсон ҳуқуқлари қоидаларидан фойдаланиши ҳақидаги таклифни тақдим этаман», деб ёзади Боррел.
Бундай чорани амалга ошириш учун Европа Иттифоқининг барча 27 давлати розилигини талаб қилади. Бироқ, аноним дипломатларнинг қайд этишича, Европа Иттифоқининг кўплаб давлатлари аллақачон бу таклифга рози эмаслигини билдирган.
Шундай қилиб, август ойида Исроил Бош вазири Бинямин Нетаняхунинг энг содиқ иттифоқчиларидан бўлган Венгрия🇭🇺 ва Чехия🇨🇿 Хосеп Боррелнинг яҳудий давлатига қарши санкциялар қўллаш ташаббусига қарши чиққани хабар қилинган.
Британия рекорд миқдордаги аскарини йўқотди
АҚШ Украинанинг Россия ҳужумини тўхтата олмаслигини эълон қилди
Ғарб Россиянинг Украинадаги ғалаба йўлини эълон қилди
