Европа Иттифоқи элчилари Европа Комиссиясининг таклиф этилаётган ҳуқуқий механизмга мувофиқ, Россиянинг Европада сақланаётган тахминан 210 миллиард евролик давлат активларини номаълум муддатга музлатиш ҳақидаги таклифини маъқуллади.
Пайшанба куни Еврокомиссияга Украинага урушдан кейинги товон пуллари тўланмагунча активларни музлатиш учун фавқулодда ваколатлар берилди.
Баёнотда айтилишича, элчилар кўпчилик овоз билан 122-модда таклифининг қайта кўриб чиқилган вариантини маъқуллаш ва расмий қарор қабул қилиш учун ёзма тартибни бошлаш учун овоз беришган.
Илгари Россия активларини музлатиш тўғрисидаги қарор Венгрия вето қўйган ҳолда ҳар олти ойда бир овоздан янгиланиши керак эди.
Лойиҳа матнига кўра, Россиянинг Украинага қарши уруши Европа Иттифоқида жиддий иқтисодий муаммоларни келтириб чиқармоқда. Шу сабабли, ЕИ иқтисодларига етказиладиган зарарни чеклаш учун ушбу маблағларнинг Россияга ўтказилишига йўл қўймаслик зарур.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
