Европа импорт тақиқи кучга киргунга қадар Россия газини харид қилиш бўйича рекорд ҳажмларга чиқди

Европа импорт тақиқи кучга киргунга қадар Россия газини харид қилиш бўйича рекорд ҳажмларга чиқди – Financial Times.

2026 йилнинг биринчи ярмида ЕИ Россиянинг "Ямал" заводидан суюлтирилган табиий газни деярли тўлиқ сотиб олди: рекорд даражадаги 9,89 миллион тонна, бу ўтган йилнинг шу даврига нисбатан 18 фоизга кўпдир.

Ҳисоб-китобларга кўра, Европа Россияга тахминан 6 миллиард евро тўлаган.

"Бу рақамлар Москванинг Украинага қарши уруши бешинчи йилга қадам қўяётган бир пайтда, Европа Россиянинг флагман энергетика объекти ишини таъминлашда ҳамон қандай муҳим рол ўйнаётганини кўрсатади", — дея изоҳ беради FT.

Франция, Белгия ва Испания асосий харидорлар бўлди. 2027 йил 1 январдан бошлаб Европа Иттифоқининг узоқ муддатли шартномалар бўйича Россия СТГни импорт қилишга қўйган тақиқи кучга киради. Қисқа муддатлилари эса аллақачон тақиқланган, дейилади хабарда.