Вашингтоннинг Европадаги иттифоқчилари Киевни қўллаб-қувватлаш борасидаги ёндашувларини ўзгартириб, уни Москва билан музокаралар олиб бориш истагини билдирган АҚШ президенти Дональд Трамп позициясига мослаштирмоқда.
Бу ҳақда Politico нашри ёзмоқда.
“Украина бўйича стратегия Европада АҚШ баёнотлари оҳангининг ўзгаришига мос равишда жимгина ўзгармоқда – сўзсиз қўллаб-қувватлаш ваъдаларидан тортиб, Киевни унинг учун фойдали позицияни таъминлаган ҳолда музокаралар столига ўтказишга уринишларгача”, — таъкидлайди нашр.
Унда айтилишича, Трампнинг Украинадаги можарога чек қўйиш нияти ҳақидаги баёнотлари муносабати билан Европа давлатлари етакчилари “тинчлик музокараларида етакчи роль ўйнаш” истагини намойиш этмоқда.
Нашрнинг фикрича, янги стратегия 14-16 февраль кунлари бўлиб ўтадиган Мюнхен хавфсизлик конференциясида шу ҳафтада яққол намоён бўлади. Газетанинг баҳосига кўра, бу сафарги тадбир Американинг аввалги раҳбари, демократ Жо Байден маъмурияти давридагидан бошқача тарзда ўтказилади. Конференцияда АҚШ ва унинг иттифоқчилари Киевни қанча вақт керак бўлса, қўллаб-қувватлашга тайёрлигини билдирди.
Нашр манбасига кўра, Украина ва АҚШ вакиллари конференция олдидан “хавфсизлик соҳасидаги узоқ муддатли кафолатларни муҳокама қилишган”. “Бу қурол ва разведка активлари, масалан, сунъий йўлдошлар билан боғлиқ бўлиб, уларни европаликлар тақдим эта олмайди”, дейилади мақолада.
244 000 миллионер ва 30 миллиардер яшайдиган дунёдаги энг яхши бизнес шаҳар
Россияликлар "энг долзарб муаммо"ни айтди. Бу уруш эмас
Ижтимоий тармоқларда Фарғона каналида қиз оқиб келгани ҳақида видеолар тарқалди
