"Европа таажжубда, Доналд Трамп Россияни улар учун хавф деб ҳисобламаса, нима учун NATO аъзоларидан Ялпи ички маҳсулотларнинг 5 фоизини мудофаа харажатларига сарфлашни талаб қилмоқда?", деб ёзади агентлик дипломатларга таянган ҳолда.
Июн ойидаги NATO саммитида мамлакатлар мудофаа бюджетига ажратадиган маблағлар учун мўлжалланган 2 фоизлик минимал талабни 3 фоиз ёки ундан ҳам кўпроққа ошириш масаласи кўриб чиқилади. Бу ташаббус, асосан, АҚШ томонидан илгари сурилмоқда.
Жон Хопкинс университети қошидаги Америка-Германия институти раҳбари Джефф Раткенинг таъкидлашича, бу масала АҚШ учун жуда мураккаб вазиятни юзага келтиради.
Трамп маъмурияти иттифоқчиларини АҚШнинг Россияга нисбатан сиёсати нафақат Вашингтон, балки Европанинг ҳам манфаатларига жавоб беришига ишонтиришга ҳаракат қилмоқда. Шу билан бирга, президент Трамп улардан мудофаа харажатларини икки баравар оширишни талаб қиляпти.
Шу ўринда, Европа АҚШдан ҳарбий техника харид қилишни қисқартириш ҳақида ўйлаб кўраётганини ҳам эслаб ўтиш лозим. Бу эса Трамп маъмуриятининг норозилигига сабаб бўлмоқда.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
