Еврокомиссия номзод давлатларга интеграция жараёнида кўпроқ имтиёзлар беришни таклиф қилмоқда. Эвазига ЕИга қабул қилинганидан кейин ислоҳотларни тўхтатган ёки мажбуриятларидан чекинган давлатларга нисбатан ҳуқуқларни чеклаш имконини берувчи янги ҳимоя механизмлари жорий этилади. Пакетни 6 октябрь куни Страсбургда Еврокомиссар Марта Кос эълон қилди.
“Энди Виктор Орбанлар бўлмайди. Қонун устуворлиги ва демократия бузилса, бизга 7-моддадан кўра тезкорроқ механизмлар керак”, — деди Марта Кос. 7-модда аъзо давлатнинг овоз бериш ҳуқуқини тўхтатиб туришни назарда тутади.
Янги чоралар Брюсселнинг Венгрия ва Польша билан сўнгги йилларда юзага келган муаммолари ортидан ишлаб чиқилмоқда.
Украина, Молдова, Албания ва Черногория ЕИга аъзо бўлиш учун зарур ислоҳотларни амалга оширишда энг катта натижаларга эришган номзод давлатлар ҳисобланади. Октябрь охирида уларга ислоҳотлар бўйича аниқ вазифалар ва аъзолик бўйича музокараларни якунлашнинг тахминий муддатлари кўрсатилган “йўл хариталари” тақдим этилади.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
