"Руминияда ўтган NATO машғулотлари Европа хавфсизлигининг Қўшма Штатларга қанчалик боғлиқ эканини яна кескин муҳокамаларга олиб чиқди. Машғулотлар шуни кўрсатдики, Россия ҳужуми ҳолатида Руминия бир неча ҳафта давомида ўзини ҳимоя қилиши керак бўлади", дея ёзмоқда нашр.
Bloomberg маълумотларига кўра, эндиликда Европа ҳукуматлари Вашингтонни Европа мамлакатларидаги ҳарбий иштирокини қисқартирмасликка фаол равишда чақирмоқда. Америка томони эса иттифоқчиларини тинчлантириб, Европани ёрдамсиз қолдириш режаси йўқлигини билдирмоқда.
Агентликнинг ёзишича, Европа ўз мудофаасини кучайтиришга уринаётганига қарамай, унда ҳамон жиддий бўшлиқлар мавжуд. Бу биринчи навбатда логистика ва стратегик имкониятларда кўринади. 20 октябрдан 13 ноябргача Руминияда ўтган ҳарбий машғулотлар вақтида кузатувчилар NATO кучларини эҳтимолий фронт чизиғига етказиш учун ҳафталар керак бўлишини қайд этган. Бу эса инқирозли ҳолатда, яъни Россия ҳужуми содир бўлса, Руминия иттифоқчиларнинг ёрдами етиб келгунига қадар деярли якка ўзи мудофаа қилишига тўғри келишини англатади.
"Руминиядаги вазият АҚШ ёрдамидан маҳрум бўлган Европа қандай муаммоларга дуч келиши мумкинлигининг яққол мисолидир. Ҳаво ва ракетага қарши мудофаа, узоқ масофали зарбалар ва разведка масалаларида Европа армиялари ҳанузгача Қўшма Штатларга таянади", дейилади мақолада.
2026 йилда ойлик, стипендия, пенсия ва нафақалар оширилади
Эронда 61 млн тонналик олтин захираси топилди
Зеленский АҚШ билан музокараларда Украинани ким ҳимоя қилишини маълум қилди
