Профессионал бокснинг супер ярим ўрта вазн тоифасида ҳаракат қилаётган ўзбекистонлик боксчи Исроил Мадримов "Дарё" нашрига берган интервьюсида сўнгги жангидан кейинги ҳолати, рейтингдаги ўрни ва келгуси режалари ҳақида гапирди.
Мадримовнинг айтишича, у айни пайтда нуфузли бокс ташкилотларининг барча рейтингларида кучли ўнликдан жой олган. Хусусан, IBF рейтингида 2-ўринни эгаллаб турибди. Боксчининг фикрича, бу натижалар унга яқин келажакда яна жаҳон чемпионлиги камари учун жанг қилиш имконини бериши мумкин.
"Сўнгги жангдан бери етти ой ўтди. Бироқ бу вақт давомида тушкунликка тушмадик, машғулотларни қизғин давом эттиряпмиз. Ҳозир вазн тоифамиздаги амалдаги чемпионлар ўзаро жанг қилишмоқда. Уларнинг баҳслари якунлангач, ғолибга қарши катта жанг ўтказилиши режалаштирилган", — деди Мадримов.
Ўзбекистонлик боксчи сўнгги баҳсидан кейин тўлиқ тикланганини ва ўша жангдан тегишли хулосалар чиқарганини ҳам таъкидлади.
"Аввалги жангдан тўлиқ тикландик, керакли хулосаларни чиқардик. Асосий мақсад — энди фақат энг кучли рақибларга қарши йирик жангларда иштирок этиш", — деди у.
Шу тариқа, Мадримов фаолиятининг кейинги босқичида яна чемпионлик камари учун курашишни асосий вазифа сифатида белгилаб олган.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
«Олтин тўп» ғолиби номи маросимдан олдин ошкор бўлдими?
Россиялик марҳум боксчи умрининг сўнгги 11 йилида гапирмагани маълум бўлди
