Исроил ва Қўшма Штатлар ҳужумларидан кейин Ислом Республикасининг ракета арсеналининг катта қисми сақланиб қолган.
Бу ҳақда Fars ахборот агентлиги Ислом инқилоби қўриқчилари корпуси (ИИҚК) таяниб хабар тарқатмоқда.
"Эроннинг кўплаб ракета омборлари бугунги кунгача ҳарбий ҳаракатлар таъсирига учрамаган", деб таъкидлади ИИҚК расмийлари.
Бундан ташқари, ҳарбий раҳбарият Теҳрон ҳозирда асосан "тахминан 10 йил олдин ишлаб чиқарилган" ўқ-дорилардан зарбалар учун фойдаланаётганини, 2025 йилнинг иккинчи ярмида ишлаб чиқарилган ракеталарнинг асосий қисми эса, уларнинг таъкидлашича, "ишлатилмаганлигича қолмоқда".
ИИҚК шунингдек, АҚШнинг тўртта базасига дрон, баллистик ва круиз ракеталари билан ҳужум қилганини даъво қилди. Маълумотларга кўра, нишонлар Қувайтдаги Али ас-Салем ва Ал-Адири авиабазалари, БААдаги Ад-Дҳафра ва Баҳрайндаги Шайх Исо авиабазаларини ўз ичига олган.
Эслатиб ўтамиз, 28 февраль куни АҚШ ва Исроил Эронга қарши ҳарбий операция бошладилар. Натижада, Олий раҳбар Али Хоманаий ва бир нечта юқори лавозимли амалдорлар ўлдирилди. Шундан сўнг, Эрон нафақат Исроилда, балки АҚШ ва иттифоқдош давлатларнинг ҳарбий базалари жойлашган мамлакатлар: Саудия Арабистони, Қатар, Бирлашган Араб Амирликлари, Уммон, Баҳрайн, Ироқ ва Кипрдаги нишонларга ҳам зарба бера бошлади.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
