Эронда ота 18 ёшли қизини гўзаллик салонида ишлаётгани сабаб пичоқлаб ўлдирди

Теҳрон вилоятининг Исломшаҳр шаҳрида Эронда эркак 18 ёшли қизи гўзаллик салонида ишлаётганидан хабар топиб, уни ўлдирди. Бу ҳақда IranWire нашри хабар қилди.

Қайд этилишича, қиз отасининг унга ва онасига нисбатан зўравонликлари туфайли ўзи алоҳида мустақил яшаган. Ота Instagram орқали қизи гўзаллик салонида ишлаётганидан хабар топиб, унга мижоз сифатида қўнғироқ илган ва иш жойининг манзилини аниқлаган.

Ота салонга келиб, ташқарида кутб турганини билган қиз онасига қўнғироқ қилиб, маслаҳат сўраган.

Аёллар ҳуқуқлари фаоли Пардис Рабийининг ижтимоий тармоқларда хабар беришича, гувоҳлар отанинг салонга пичоқ билан кириб, ходимлари ва мижозлари олдида қизига бир неча марта пичоқ урганини кўрган. У сочидан ушлаб қизнинг бошини кесишга уринган, бироқ атрофдаги инсонлар қичқирганидан кейин қочиб кетган.

Эркак хотинига қўнғироқ қилиб, "Мен сени бу қайғу билан қолдирдим", деган.

Жиноятчи ҳибсга олин, унга нисбатан жиноят иши очилган.

Этемад газетасига кўра, ўтган йилнинг март-сентябрь ойлари орасида 78 нафар аёл ўз қариндошлари ёки оила аъзолари томонидан ўлдирилган. “Шарқ” газетасининг хабар беришича, 2021-2023 йилларда оиланинг эркак аъзолари камида 165 аёлни ўлдирган.