Теҳрон ва Вашингтон бўлажак битимнинг кўплаб масалаларини келишиб олди, унинг доирасида Эрон ядровий объектлари устидан халқаро назорат ўрнатилишига принципиал жиҳатдан рози бўлди, дея хабар бермоқда Al Arabiya телеканали.
Манбаларга кўра, Теҳрон ушбу объектлар демонтаж қилинишининг олдини олиш мақсадида шундай қарорга келган. Шунингдек, Эрон ўз бойитилган уранини Қўшма Штатларга топширилмаслик шарти билан Хитойга олиб чиқишни маъқуллаган. Айни пайтда, Эрон томонидан бу маълумот расман тасдиқланмаган.
"АҚШ Эрондан ядровий қуролга эга бўлиш истагидан расман воз кечишни, мамлакатдаги ядровий объектларни демонтаж қилишни, шунингдек, уранни бойитишга қўйилган мораторийга риоя қилишни талаб қилмоқда", деб ёзади The Wall Street Journal юқори мартабали америкалик амалдорларга таяниб.
Нашрнинг қайд этишича, талаблар орасида Атом энергияси бўйича халқаро агентлик (МАГАТЭ) инспекторларининг ваколатларини кенгайтириш, жумладан, ядровий фаолият билан боғлиқ бўлиши мумкин бўлган ҳар қандай обектга кириш ҳуқуқини бериш ҳам бор. Энг мақбул вариант сифатида Эронда доимий инспекция миссиясини ташкил этиш кўриб чиқилмоқда.
Бундан ташқари, Трамп маъмурияти тўлиқ шаффофликни талаб қилмоқда. МАГАТЭ назорат узлуксизлигини тиклай олиши учун Теҳрон ўзининг ўтмишдаги ядровий фаолияти ҳақидаги маълумотларни ошкор қилиши керак.
1 июндан тарифлар ошади: олдиндан тўлов қилганлар 2 ой эски нархда тўлайди
Ўзбекистонда июнда аномал иссиқ оқибатида ҳарорат +47° гача чиқади
Нетаньяху Қуддусдаги шифохонага ётқизилди
