Теҳрон АҚШ музлатилган маблағларни қайта ишга тушириши ва Эроннинг тинч мақсадларда уран бойитиш ҳуқуқини тан олиши шарти билан уранни бойитишни бир йилга тўхтатиши мумкинлигини Reuters агентлиги Эрон манбаларига асосланиб хабар қилмоқда.
Агентлик маълумотларига кўра, агар Вашингтон ушбу шартларни қабул қилса, томонлар "сиёсий келишув"га эришишлари мумкин. Ҳозирча бу масала Америка делегацияси билан муҳокама қилинмаган. Келишув доирасида Эрон уранни бойитишни бир йилга тўхтатади, юқори даражада бойитилган ураннинг бир қисми эса бошқа мамлакатларга жўнатилади ёки тинч мақсадларда ёқилғига айлантирилади.
АҚШ илгари бойитишни бутунлай тўхтатишни талаб қилган эди, чунки у ядро қуроли яратишда ишлатилишидан хавотирда эди. Теҳрон эса бу айбловларни бир неча бор рад этган.
23 май куни Римда Уммон воситачилигида Эрон ва АҚШ ўртасида ядро дастури бўйича музокараларнинг бешинчи босқичи бўлиб ўтди. Уммон ташқи ишлар вазири Бадр ал-Бусаидий "маълум, аммо якуний бўлмаган илгари силжиш" ҳақида хабар берди.
Кремль миллиардлаб топмоқда, Европа эса миллиардлаб сарфламоқда
Покистон ва Афғонистон ўртасида қуролли можаро бошланди
"Ишонинг, бизда ҳам жавоб тариқасида суратга олишга арзигулик нарсалар бор" - Шойгу
