Эрон ТИВ раҳбари Ўмонга ташриф буюрди

​Мамлакат ташқи ишлар вазири Аббос Ароқчи Маскатга ташрифи доирасида Ўмон султони Ҳайсам бин Тариқ билан учрашди.

Эрон ТИВ баёнотига кўра, Ароқчи Ўмонга дипломатик жараёнларни қўллаб-қувватлагани ҳамда АҚШ ва Исроил томонидан Теҳронга қарши бошланган урушдаги эҳтиёткорона позицияси учун миннатдорлик билдирди. У минтақада Қўшма Штатлар ҳарбий иштироки фақат беқарорлик ва бўлинишга олиб келишини таъкидлаб, қўшни давлатларни Вашингтон аралашувидан холи бўлган коллектив хавфсизлик механизмларини яратишга чақирди.

Шунингдек, Ўмон султони уруш тезроқ ва узил-кесил тугашига ҳамда минтақада барқарорлик қайтишига умид билдириб, бу борада ҳар қандай ёрдамга тайёрлигини маълум қилди. Учрашув давомида, Ҳўрмуз бўғози ва Покистон воситачилигида давом этаётган музокаралар муҳокама қилинди.