Эрон парламенти янги мудофаа вазири номзодини маъқуллади

Эрон парламенти Меҳрдод Эхлаки номзодини мамлакат мудофаа вазири лавозимига маъқуллади. Унинг тайинланишини 237 нафар депутат қўллаб-қувватлади.

Бу ҳақда Эрон парламентининг ICANA ахборот агентлиги хабар берди.

Қарор парламент мажлиси давомида қабул қилинди. Унда депутатлар Эхлакининг номзоди, касбий малакаси ва у тақдим этган фаолият дастурини муҳокама қилишди.

«Бугун бўлиб ўтган парламент мажлисида депутатлар мудофаа вазири лавозимига номзод Меҳрдод Эхлакининг касбий салоҳияти ва у тақдим этган иш дастурини маъқуллашди», — дейилади агентлик хабарида.

Овоз бериш натижаларига кўра, 237 нафар парламент аъзоси Эхлакининг тайинланишини қўллаб-қувватлаган бўлса, 15 нафар депутат унга қарши овоз берди.

Қайд этилишича, овоз беришда иштирок этган депутатлар орасида бетараф қолганлар бўлмаган.

Шу тариқа, Меҳрдод Эхлаки Эроннинг янги мудофаа вазири этиб тасдиқланди.