Эрон олий раҳнамоси: Америка уранни бойитиш бўйича “ортиқча ва ғазабнок” талаблар қўймоқда

Эрон олий раҳнамоси Оятуллоҳ Али Хоманаий АҚШ билан ядровий музокаралар янги келишувга олиб келишига шубҳа билдирди ва Америка томони уранни бойитиш бўйича “ортиқча ва ғазабнок” талаблар қўяётганини айтди.

"Биз бу ҳеч қандай натижага олиб келади деб ўйламаймиз. "Биз нима бўлишини билмаймиз", деди Оятуллоҳ Али Хоманаий .

АҚШ президенти Доналд Трамп ўтган ҳафтада Эрон Уммон воситачилигида 12 апрелда бошланган музокараларнинг тўрт раундидан сўнг келишув шартларига “кўринишидан рози бўлганга ўхшайди” деди. Аммо шу ҳафта охирига режалаштирилган музокараларнинг янги босқичи олдидан Эрон элчиси америкалик ҳамкасбининг Теҳрон бойитилган уран ишлаб чиқаришни тўхтатиши кераклиги ҳақидаги даъвосини рад этди.

Трамп Эронни агар музокаралар муваффақияцизликка учраса, АҚШ ва Исроил томонидан ҳарбий ҳаракатлар бошланиши мумкинлигидан огоҳлантирди.

Эрон ядро дастури фақат тинч мақсадда эканлигини таъкидламоқда. Аммо етти йил аввал янгиланган АҚШ санкцияларига жавобан Эрон жорий ядровий келишувда белгиланган чегараларни бузди ва етарли даражада юқори даражада бойитилган уранни захирага олди.

Феврал ойида МАГАТЭ Эрон 60 фоизгача бойитилган 275 килограммга яқин уран заҳирасига эга бўлгани ҳақида огоҳлантирган эди. Агар 90% гача бойитилган бўлса, уран назарий жиҳатдан олтита ядровий бомба ясаш учун ишлатилиши мумкин.