Эрон Ташқи ишлар вазири Аббас Арагчи Исроил бош вазири Бинямин Нетаньяҳуни қаттиқ танқид қилиб, унинг Ғазода ғалаба ваъдалари ҳарбий тупикка, халқаро қидирув ордерига ва фаластинлик қаршиликнинг кучайишига айланганини маълум қилди.
«Демак, қарийб икки йил аввал Нетаньяҳу ХАМАСни йўқ қилишни ваъда қилган эди. Натижа — ғалаба эмас, балки ҳарбий тупик, Халқаро жиноят судининг ордери ва 200 мингга яқин янги ХАМАС жангчиси», — деб ёзди Арагчи X ижтимоий тармоғида.
У, шунингдек, Исроилнинг Эроннинг ядровий дастурини тўхтатиш бўйича узоқ йиллик уринишларига қарамасдан, бу дастур ривожланишда давом этмоқда, деб таъкидлади.
«Ҳар бир иронлик олим, Исроилнинг ёлланма қуролдорлари томонидан ўлдирилгани билан, юзлаб иқтидорли талабаларни тайёрлаган. Бу ёш мутахассислар Нетаньяҳуга уларнинг қандай қобилиятларга эга эканини кўрсатади», — деди вазир.
Арагчига кўра, Исроил Эронга нисбатан ҳеч қандай мақсадга эришмаган. Шу билан бирга, Теҳрон Исроилнинг махфий объектларига зарба беришга муваффақ бўлган, улар ҳақида расмийлар айтишни маъқул кўрмайди.
У Исроил бош вазирини АҚШнинг Эронга оид сиёсатини бошқаришда таъсир ўтказишда айблади.
«Эроннинг ҳарбий жиноятлар билан айбланадиган одамга бўйсунишини тасаввур қилиш — абсурд. Логик савол туғилади: агар Нетаньяҳу ҳеч нарса истамаса, нега "Моссад" оқ уйда шундай катта таъсирга эга?» — деб ёзди Арагчи.
Дилшод Тўрахўжаев иши: Россия Ўзбекистонга нота йўллади
Машҳур блогер Абдурозиқ Дубай аэропортида ҳибсга олинди
"Германиянинг бирлашишига дарҳол рози бўлиб Горбачев хато қилган..."
