Эрон яқин ҳафталарда Атом энергияси бўйича халқаро агентликнинг (МАГАТЭ) техник миссиясини ўтказишга рози бўлиб, Теҳрон ва БМТ ядровий назорати ташкилоти ўртасидаги ҳамкорликнинг янги форматини муҳокама қилади.
Бу ҳақда Эрон ташқи ишлар вазири ўринбосари Казем Ғарибободий Нью-Йоркка ташрифи чоғида маълум қилди.
"Делегация Эронга ядровий объектларга ташриф буюриш учун эмас, бу форматни муҳокама қилиш учун келади", — деди у журналистлар саволларига жавоб берар экан.
Ғарибободий, шунингдек, Эрон ўз эҳтиёжларини қондириш учун уранни ўзи бойитиш ниятида эканини, бунда бошқаларга таяниб бўлмаслигини таъкидлади.
"Бойитиш ҳақида гап кетганда, Эрон уранни ўз эҳтиёжларига қараб бойитади. Мен шуни айта оламан. Биз нима керак бўлса ҳам қила олишимиз керак... Бу борада биз жуда ачинарли тажрибани бошдан кечирдик. Биз учинчи томонга таянолмаймиз", деди у Теҳрон, масалан, уранни бойитишга мораторий жорий этишга тайёрми ёки йўқми, деган саволга жавоб берар экан.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Минг афсус! АҚШдаги отишмада ўзбек талаба ҳалок бўлди
