Эрон иқтисодий санкцияларни бекор қилиш эвазига президент Доналд Трамп билан ядровий битим имзолашга тайёр

Эрон олий раҳбарининг бош маслаҳатчиси Али Шамханий NBC News телеканалига берган интервюсида Эрон иқтисодий санкцияларни бекор қилиш эвазига президент Доналд Трамп билан ядровий битим имзолашга тайёрлигини айтди.

Барча иқтисодий санкцияларни зудлик билан бекор қилиш эвазига Эрон ҳеч қачон ядровий қурол ишлаб чиқармаслик мажбуриятини олади, юқори даражада бойитилган уран заҳираларидан халос бўлади ва уранни фақат фуқаролик мақсадларида фойдаланиш учун зарур бўлган пастроқ даражада бойитишга рози бўлади.

Бундан ташқари, маслаҳатчининг сўзларига кўра, Эрон халқаро инспекторларга бу жараённи кузатишга рухсат беради.