Эронда эҳтимолий ядровий ҳужум оқибатларидан ҳимояланиш бўйича аҳолига махсус кўрсатмалар тарқатилди. Бу ҳақда мамлакат давлат оммавий ахборот воситалари хабар берди.
Тавсияларга кўра, ядровий портлаш содир бўлган тақдирда фуқаролар мустаҳкам бинолар ёки ерости бошпаналарига кириб, камида 24 соат давомида ташқарига чиқмаслиги керак.
Шунингдек, радиоактив заррачалардан ҳимояланиш учун эшик ва деразаларни ёпиш, ташқи ҳавони киритувчи шамоллатиш тизимларини ўчириш тавсия қилинган.
Бу орада америкалик журналист Такер Карлсон АҚШ яқин кунларда Эрон марказидаги "Пикакс" тоғида жойлашган ерости ядровий объектига зарба бериши мумкинлигини даъво қилди.
Бироқ Вашингтон бундай ҳужумга тайёргарлик кўрилаётганини тасдиқлагани йўқ. Карлсоннинг ядровий зарба ҳақидаги даъвоси ҳам ҳозирча ишончли далиллар билан тасдиқланмаган.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
Зеленский Путинга хабар юборди
