Эрдўғон: “Эрондаги вазият туфайли барча Туркия идоралари ҳушёр ҳолатда”

Туркиянинг барча давлат идоралари Туркиянинг Эрон атрофидаги инқирозга аралашиб қолишининг олдини олиш учун юқори даражада ҳушёр ҳолатда.

Туркия президенти Ражаб Тоййиб Эрдоған ўзи раислик қилган вазирлар маҳкамаси йиғилишидан сўнг шундай баёнот берди.

"Узоқ давом этган жанглар ва можаронинг кенгайиши ҳолатларида турли сценарийларни таҳлил қилдик. Туркиянинг барча давлат идоралари Туркиянинг Эрон атрофидаги инқирозга аралашиб қолишининг олдини олиш учун юқори даражада ҳушёр ҳолатда", деди Эрдоған.

Унинг сўзларига кўра, йиғилишда иқтисодиётдан тортиб савдо ва чегара хавфсизлигигача бўлган турли соҳалардаги можаронинг потенциал оқибатлари ҳам баҳоланди. "Бизнинг асосий вазифамиз мамлакатимизни бу ёнғиндан ҳимоя қилиш, Туркиянинг хавфсизлигини ва 86 миллион фуқаросининг хотиржамлигини таъминлашдир", деб таъкидлади Туркия раҳбари.

Эрдоғаннинг қўшимча қилишича, Туркия Эронни ўз ҳудудига ракета зарбалари оқибатлари ҳақида огоҳлантирган.