Эрдўғон: "Баъзилар жанубий чегараларимизни беқарорлаштиришдан манфаатдор эканини биламиз"

Туркия жанубий чегараларида вазиятни беқарорлаштиришдан манфаатдор одамлар борлигини билади.

Бу ҳақда Туркия президенти Ражаб Тоййиб Эрдўғон Рамазон ҳайити муносабати билан табрик нутқи чоғида айтиб ўтди.

У Туркиянинг Сурияда содир бўлаётган воқеаларни диққат билан кузатиб бораётганини таъкидлаб ўтди: "Биз керакли чораларни кўряпмиз. Суриянинг ҳудудий яхлитлиги ва миллий бирлигини бузишдан ким манфаатдор эканини биламиз. Бунга йўл қўймаймиз" - деди Эрдўғон.