“Эпштейн иши”га доир файллардаги Трампнинг ўчирилган сурати қайта жойланди

АҚШ Адлия вазирлиги “Эпштейн иши”га доир файллардаги Трампнинг ўчирилган суратини қайта жойлади, деб хабар бермоқда The Insider.

"Вазирлик кўплаб вояга етмаганларни жинсий эксплуатация қилишда айбланган, марҳум миллиардер Жеффри Эпштейнга тегишли архивдан олинган ва АҚШ президенти Доналд Трамп акс этган фотосуратни ўз сайтига қайта жойлади. Ушбу расм жума куни эълон қилинган, аммо орадан кўп ўтмай олиб ташланганди. АҚШ Конгрессидаги демократлар Адлия вазирлигининг бу ҳаракатини кескин танқид қилган эди", дея ёзади нашр.

Ушбу фотосуратда Эпштейннинг столида турган Трампнинг икки сурати мавжуд тасвирланган: бирида у аёллар гуруҳи билан, иккинчисида эса рафиқаси Мелания, Жеффри Эпштейн ва унинг шериги Жислейн Максуелл билан бирга тушган.

АҚШ Адлия вазирлиги Х ижтимоий тармоғида суратнинг ўчирилишини Нью-Йорк жанубий округи суди қарори билан изоҳлади, суд Эпштейннинг қурбонларини ҳимоя қилиш мақсадида тасвирни қўшимча кўриб чиқишни белгилаган. Хабарга кўра, вазирлик “эҳтиёт чораси сифатида” фотосуратни текширув учун вақтинча олиб ташлаган. Текширув якунида суратда Эпштейннинг қурбонлари тасвирланганини тасдиқловчи ҳеч қандай далил йўқлиги аниқланган ва тасвир ҳеч қандай ўзгартириш ёки таҳрирларсиз яна қайта эълон қилинган.