Буюк Британия Бош вазири Кир Стармер ITV News телеканалига берган интервьюсида энергия нархларининг беқарорлигидан қаттиқ норозилигини билдирди. Унинг таъкидлашича, бутун мамлакат бўйлаб оилалар ва корхоналар дунёнинг қайсидир нуқтасида Путин ёки Трамп томонидан амалга оширилаётган ишлар туфайли коммунал тўловларнинг доимий сакрашидан чарчаган.
The Guardian нашрида эълон қилинган мақоласида Стармер Яқин Шарқдаги уруш фонида Британия ўз энергетика соҳасига фаол сармоя киритаётганини ёзган. Унинг фикрича, бу "газ нархларини манипуляция қилаётган тиранларга қарамликдан қутулишнинг" ягона йўлидир.
Эслатиб ўтамиз, 2022 йил февралида Россиянинг Украинага бостириб кириши, шунингдек, жорий йилнинг 28 февралида бошланган АҚШ ва Исроилнинг Эрон билан уруши энергия бозорида нархларнинг кескин кўтарилишига сабаб бўлган эди. Бироқ, 8 апрелга ўтар кечаси Қўшма Штатлар ва Эрон ўртасида икки ҳафталик сулҳ имзоланганидан сўнг, хомашё нархлари яна кескин пасайди.
Эрон Трампнинг Ҳўрмуз бўғозини очиш бўйича ултиматумига жавоб қайтарди
Теҳронда Олий раҳбар вафоти муносабати билан катта мотам маросими бўлиб ўтмоқда
Эрон Ҳўрмуз бўғозининг «калитларини йўқотиб қўйди»
