Энергетик ичимликка берилган 39 ёшли эркак 10 та тишидан айрилди

39 ёшли британиялик эркак Николас Мудфорд энергетик ичимликларга қарамлиги туфайли 10 та тишидан айрилди.

Daily Mail нашрининг ёзишича, эркак энергетик ичимликлар ичишни 20 йилдан кўпроқ вақт олдин бошлаган. У бу машҳур ичимликларнинг таъмини шунчалик яхши кўрардики, вақт ўтиши билан ҳафтасига 21 стакан ичишни бошлади.

Энергетик ичимликларга зарарли қарамлик ва оғиз бўшлиғи гигиенасига риоя қилмаслик туфайли британияликнинг тишлари чирий бошлади. Шунга қарамай, у 10 йил давомида тиш шифокорига кўринмади, чунки шифокорлардан қўрқарди.

2018 йилда Мудфорд ишга кетаётиб, олдинги тишидан айрилганидан кейингина вазиятни ўзгартирмоқчи бўлган. У Туркиядаги клиникага борди, у ерда шифокорлар унинг 10 та чириган тишини олиб ташлаб, ўрнига имплант қўйишди, қолган тишларига шпон ўрнатишди. Тишларни кенг қамровли даволаш британияликка тўққиз минг фунтга тушди. Эркакнинг сўзларига кўра, бу қарор унинг ҳаётидаги энг яхши қарор эди, чунки энди у ниҳоят ишонч билан табассум қила олади.