Энди Сенат Олий суд судьялигига номзодлар ҳақида хулоса ҳам беради – қонун лойиҳаси

Сенатнинг Суд-ҳуқуқ масалалари ва коррупцияга қарши курашиш қўмитаси ҳузуридаги ишчи гуруҳ йиғилиши бўлиб ўтди. Унда Сенат томонидан ишлаб чиқилган "Олий Мажлис Сенатининг Регламенти тўғрисида"ги Қонуннинг 21-моддасига қўшимча ва ўзгартириш киритиш ҳақида"ги қонун лойиҳаси муҳокама қилинди.

Мазкур лойиҳада Ўзбекистон Республикаси Конституциявий суди ва Олий суд судьялигига, Судьялар олий кенгаши аъзолигига номзодларнинг фаолияти билан танишиш ва унга баҳо бериш, улар ҳақида хулоса билдириш амалиётини жорий қилиш назарда тутилмоқда (Ҳозирда Сенатининг конституциявий ваколатлари фақат номзодларни тасдиқлаш билан чекланган).