АҚШ президенти Доналд Трамп кутилмаганда Россиянинг Украинадаги ўт очишни зудлик билан тўхтатиш талабидан воз кечди. "New York Times" газетасининг ёзишича, Владимир Путин билан телефон суҳбатидан сўнг у "Россия ва Украина можарога ўзлари ечим топиши керак" деган ва янги санкциялар жорий этиш бўйича Европа кампаниясида қатнашишдан бош тортган.
Бу қарор Германия канслери Фридрих Мерц учун жиддий зарба бўлди. Аввалроқ у Москвага оммавий ултиматум қўйиб, Трамп билан биргаликда “Украинани қўллаб-қувватлаш учун ҳамма нарсани қилишга, жумладан, санкцияларни кенгайтиришга” ваъда берган эди.
Бироқ, энди Вашингтон томонидан қўллаб-қувватланмайдиган кўринади - Мерц ва бошқа Европа лидерлари, жумладан Эммануел Макрон ва Доналд Туск иттифоқчисиз қолишди.
Германия ҳукумати Bild'ни Россияга нисбатан санкциялар босими давом этаётганига ишонтирди. Уларнинг таъкидлашича, ЕИ 17-санкция пакетини амалга оширган, Еврокомиссия эса, айниқса, энергетика ва молия соҳаларида янги чекловлар ишлаб чиқмоқда. Бироқ, аслида, 17-пакет Мерцнинг баёнотидан анча олдин ишлаб чиқилган ва унинг таъсирини сезиларли деб аташ қийин.
Эндиликда нафақат Европа ташқи сиёсатининг самарадорлиги, балки Германиянинг янги канслерининг шахсий ваколатлари ҳам сўроқ остида. Агар ваъда қилинган чоралар амалга оширилмаса, бу Мерцнинг ташқи сиёсатдаги биринчи йирик муваффақияцизлиги бўлиши мумкин.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Истанбулдаги музокарада Россия Украинага бешта шарт қўйди
